Nagasaki shënoi të mërkurën 78-vjetorin e bombardimeve atomike amerikane, me kryetarin e bashksië së qytetit që u bëri thirrje fuqive botërore të asgjësojnë armët bërthamore, pasi mbajtja e tyre rrit rreziqet për luftë.
Kryebashkiaku Shiro Suzuki e bëri deklaratën pasi vendet anëtare të grupimit G7 miratuan në maj një dokument mbi çarmatosjen bërthamore, ku bëhej thirrje që përdorimi i armëve të tilla të jetë vetëm në formë parandaluese.
Ndërsa kryeministri Kishida u shpreh përmes një video-mesazhi se rruga drejt një bote të çliruar nga armët bërthamore po bëhet gjithnjë e më e vështirë.
“Me përçarjen e komunitetit ndërkombëtar mbi çarmatimin bërthamor që po thellohet dhe me kërcënimet bërthamore të Rusisë që vazhdojnë, rruga drejt arritjes së një bote pa armë atomike po bëhet gjithnjë e më e vështirë”, tha Kishida.
Të mbijetuarit e tragjedisë, të cilët kanë mbajtur lutje në Parkun e Paqes, shprehën gjithashtu shqetësimin e tyre për progresin e ngadaltë në procesin e çarmatimit, në një kohë kur realiteti i bombave atomike dhe i pasojave të tyre nuk njihen mirë në të gjithë botën.
The post 78-vjetori i Nagasakit, Kishida: Çarmatosja bërthamore, gjithnjë e më e vështirë appeared first on Euronews Albania.
