Çavi: Nejmari te Barcelona? Asgjë nuk mund të parashikojë….

Një ‘mospërgjigje’, që mund të nënkuptojë shumë ajo e Çavit, e ‘rrëmbyer’ nga mikrofonat e “TV3” mbi hipotezën e rikthimit të Nejmarit te Barcelona. Sulmuesi brazilian dyshohet se i kërkoi PSZH-së të shitet dhe ëndrra e madhe e tij është të kthehet në Katalonjë, duke u vënë në dispozicion të trajnerit Çavi, me të cilin luajti së bashku pikërisht te blaugranat. “Neymar? Nuk mund të parashikoj asgjë. Vitin e kaluar thashë emrin e një lojtari nga një ekip tjetër dhe atje u zemëruan. Do të shohim deri në fund të merkatos,” tha mes tjerash Çavi. Asnjë fjalë përfundimtare, pas suksesit në miqësoren kundër Totenhamit, madje as për Ansu Fati, sulmuesin e ri blaugrana, i cili lidhet me PSZH-në dhe është në radarin e sauditëve të Al Hilal. “Të shohim. Ka ende shumë për të bërë deri më 31 gusht, aq shumë varet edhe nga ‘fair play financiar’. Megjithatë, jam i kënaqur me mënyrën se si lojtarët po stërviten dhe me përgatitjet parasezonale”. Në mbrojtje të titullit të La Liga-s, Barcelona do ta nisë sezonin e ri si kampione këtë të diel (13 gusht) në Getafe dhe po garon me kohën për të zhbllokuar listën e federimeve dhe regjistruar përforcimet e reja.

The post Çavi: Nejmari te Barcelona? Asgjë nuk mund të parashikojë…. appeared first on Alsat.