Kryetari i komunës së Çairit, Visar Ganiu, në një pronocim për gazetën LAJM, ka zbuluar arsyen e vizitës së kryeministrit kosovar Albin Kurti në Çair, ditën e premte. Ganiu tha se Kurti vjen për ta përuruar rrugën me emrin e veprimtarit të shquar shqiptar Adem Demaçit, në Çair.
“Albin Kurti, kryeministri i Kosovës, vjen ditën e premte në ora 14;30 në komunën e Çairit. Arsyeja është përurimi i rrugës Adem Demaçi dhe do të qëndrojë afër 1 orë në Komunën e Çairit dhe gjithë aktiviteti do të jetë tek memoriali i UÇK-së apo tek “Shqiponja” në Fushë Topanë”, tha mes tjerash Ganiu për gazetën LAJM.
