Google raportohet se është duke punuar prej vitesh për të ndarë shfletuesin Chrome nga Chrome OS dhe ky projekt siç duket ka filluar të japë frytet e para.
Zgjidhja është një shfletues i ri bazuar në Linux quajtur Lacros dhe që do të zëvendësonte Chrome OS.
Pse ka rëndësi? Aktualisht duhet të bëni një përditësim të plotë të Chrome OS për të bërë një ndryshim në shfletues. Një gjë e tillë nuk është aspak efikase për të dërguar thjeshtë një përditësim për shfletuesin.
Gjithashtu pajisjet e vjetra Chromebook humbasin aksesin në përditësime e sistemit dhe kjo lëvizja do ti bënte pajisjet në fjalë më të sigurta.
Përdoruesit mund të aksesojnë Lacros, por vjen me shfletuesin Chrome të integruar dhe kërkon disa njohuri për përdorimin e tij. Disa ndryshime të vogla në kod sugjerojnë se Lacros pritet të debutojë si shfletuesi kryesor në Chrome OS.
Ndryshimi pritet të implementohet me përditësimin e radhës që është Chrome OS 116 dhe të sjellë Lacros për të gjithë përdoruesit.
Përditësimet në Chrome OS vin njëherë në muaj dhe përditësimi mund të mbërrijë në fund të Gushtit ose fillim të Shtatorit.
/PCWorld Albanian
The post Google planifikon të shkëpusë shfletuesin Chrome nga sistemi operativ Chrome OS appeared first on PCWorld Albanian.
