Gjashtë fëmijë në Hagë u shtruan në spital pasi hëngrën ëmbëlsira me kanabis.
Shërbimet e urgjencës ndihmuan gjashtë fëmijë nga mosha katër deri në 14 vjeç, të cilët papritmas patën marramendje dhe dhimbje koke pasi hëngrën ëmbëlsira me kanabis në një shtëpi pranë stacionit të autobusëve Gudrijankade në Hagë, raporton NL Times.
Portali thekson se fillimisht u besua se fëmijët ishin helmuar nga monoksidi i karbonit, por zjarrfikësit nuk gjetën asnjë gjurmë të këtij gazi në banesë.
Fëmijët më vonë i thanë policisë se pak para se të sëmureshin, kishin ngrënë ëmbëlsira dhe më pas u testuan për THC, një substancë që përmban kanabisi, e cila mund të shkaktojë dhimbje koke dhe marramendje.
Sipas policisë, nuk ka të dhëna se ndonjë i rritur u ka dhënë fëmijëve karamele me lëndë narkotike. Pasi iu dha ndihma në spital, fëmijët u liruan nga spitali. Nuk ka asnjë informacion për lidhjen e të miturve me njëri tjetrin.
LEXONI GJITHASHTU:
- Kanabisi në repart shkakton “furtunë” te FA-të, lirohen nga detyra 14 ushtarakë
- Mbillnin dhe shisnin kanabis në lokalin në plazh, arrestohen pronarët në Krorëz
The post Hagë, 6 fëmijë të shtruar në spital pasi hëngrën ëmbëlsira me kanabis appeared first on Euronews Albania.
