1 muaj më parë
4
Klubi nga Arabia saudite, Al Hilal hedh sytë nga Joao Felix. Sipas AS, klubi saudit ka shfaqur interes për portugezin e Atletico Madrid, i cili gjysmën e dytë të sezonit që sapo u mbyll e kaloi në huazim te Chelsea.
Sulmuesi është përfolur më përpara edhe për një transferim tek skuadra tjetër e Premier League: Aston Villa. Me trajnerin Unai Emery, i cili e pëlqen ish-lojtarin e Benfikës. Megjithatë, 23-vjeçari ka të tjera plane për të ardhmen, teksa preferon një transferim tek Barcelona.
Por klubi katalanas ka probleme financiare dhe nënshkrimi me Felix duket i pamundur. Lojtari ofensiv, në sezonin që sapo u mbyll nuk arriti të bindë drejtuesit e Chelsea për ta mbajtur në Premier League.
Lexo edhe:
- Manchester City prezanton mbrojtësin më të shtrenjtë në histori
- Falcao rrezikon burgun, jep dorëheqjen nga Santosi
- Napoli gjen pasuesin e Kim, gati firma me mbrojtësin brazilian
- Atalanta fiton garën me Interin, gati firma me sulmuesin italian
Teksa bashkë me pjesën tjetër të ekipit mbyllën një sezon katastrofik duke i lënë blutë jashtë Europës. Gjithsesi tashmë është Al-Hilal që dëshiron të nënshkruajë me Joao Felix.
Klubi saudit po punon për ta marrë lojtarin me formulën e huazimit, me Atletikon që kërkon 15 mln euro për një vit huazim. Lojtari është pjesë e Atleticos që nga korriku i vitit 2019.
Kur u transferua nga Benfica për 126 mln euro, shifër rekord kjo për klubin spanjoll. Që atëherë portugezi është aktivizuar në 96 ndeshje me kryeqytetasit, duke shënuar 25 gola si dhe duke dhuruar 14 asiste.
The post I zhgënjeu të gjithë sezonin e fundit, sirena arabe për sulmuesin e Atleticos appeared first on SuperSport.
