Pothuajse tre vite pasi PayPal filloi të mbështetë kriptomonedhat për të gjitha llogaritë Amerikane, kompania fintech ka lançuar stablecoinin e saj që është i lidhur me vlerën e dollarit Amerikan.
PayPal USD është 100 përqind i mbështetur në depozita dollari thesare afatshkurtrat të Shteteve të Bashkuara dhe ekuivalentë të ngjashëm të parasë.
Firma fillimisht konfirmoi se ishte duke eksploruar mundësinë e një stablecoin në Janar të vitit të kaluar pasi një zhvillues gjeti kod dhe imazhe të PayPal Coin në aplikacionin e kompanisë.
Asokohe tha se do të punonte me rregullatorët për të parë nëse është e mundur lançimi i stablecoin dhe më pas të vendoste kur.
PayPal shpjegoi se monedha është një token i lëshuar në blockchainin Ethereum nga Paxos Trust Company, e cila është subjekt i mbikëqyrjes rregullatorë të Departamentit të Shërbimeve Financiare të shtetit të Nju Jorkut(NYDFS.)
Kompania gjithashtu mori një BitLicence, ose një licencë biznese për aktivitetet e monedhave virtuale, nga NYDFS në Qershor të 2022.
Përdoruesit mund të blejnë dhe shesin PayPal USD për 1 dollarë secilën. Mund të dërgojnë monedhat tek përdoruesit e tjerë si formë pagese ose ti përdorin për të blerë sende apo shërbime duke e zgjedhur si opsion gjatë procesit të pagesës. Gjithashtu mund të transferojnë PayPal USD në portofola të jashtëm të mbështetur ose të konvertojnë kriptomonedhat tjera në PayPal USD dhe anasjelltas.
Në të kaluarën autoritetet kanë penguar përpjekjet nga kompanitë e mëdha të lançojnë stablecoin-ët e tyre. Meta shpenzoi dy vite duke u përpjekur të lançonte stablecoin-in e saj, një projekt që kolapsoi pas shtyrjeve të vazhdueshme për shkak të shqetësimeve rregullatorë se mund të përdorej për aktivitete të paligjshme dhe pastrim parash.
PayPal USD shumë shpejtë mund të tërheqë vëmendjen e Rezervës Federale dhe Komisionit të Bursave dhe Letrave me Vlerë ndërsa PayPal ka vendosur të përqendrohet lançimin e monedhës. /PCWorld Albanian
The post PayPal lançon stablecoinin e mbështetur në dollarin Amerikan quajtur PayPal USD appeared first on PCWorld Albanian.
