Qipro do të trajtojë macet me ilaçe të papërdorura të koronavirusit

1 muaj më parë 3

Ilaçet e papërdorura të koronavirusit njerëzor do të vihen në dispozicion për të trajtuar macet në Qipro, ku mijëra mace po vdesin nga një koronavirus i veçantë që përhapet midis këtyre kafshëve. Qeveria e miratoi këtë vendim në bazë të rekomandimit të Ministrisë së Bujqësisë. Një numër i madh macesh në Qipro u sëmurën këtë verë me një lloj të kafshëve të koronavirusit që nuk transmetohet te njerëzit. - Stoqet e barnave që janë përdorur për të trajtuar rastet e koronavirusit njerëzor dhe nuk po përdoren më, mund të përdoren për trajtimin e maceve - tha pushteti vendor. Ilaçi, i cili vjen në formë tabletash, do t'u shpërndahet veterinerëve. Aktivistët e të drejtave të kafshëve paralajmërojnë se Qiproja po kthehet në një ishull macesh të ngordhura, duke pretenduar se sëmundja ka të ngjarë të ketë vrarë shumicën e popullsisë së saj milionashe. Megjithatë, shoqata veterinare e ishullit pretendon se raportet për vdekjen e 300,000 maceve janë të ekzagjeruara dhe se numri i maceve të ngordhura është më pak se 10,000. Legjenda thotë se rreth 1700 vjet më parë, Perandoresha Romake Helena solli për herë të parë mace në Qipro për të luftuar gjarpërinjtë helmues. Gërmimet arkeologjike tregojnë se macet kanë qenë edhe më gjatë në këtë ishull dhe në periudhën neolitike këto kafshë varroseshin së bashku me njerëzit në Qipro.

The post Qipro do të trajtojë macet me ilaçe të papërdorura të koronavirusit appeared first on Alsat.

Lexo artikullin e plotë