Tenis/ Evans triumfon në “ATP Washington”, fiton trofeun e dytë në karrierë

Turneu i ATP Washington uli siparin ditën e diel. Mbrëmja e fundit solli një finale të bukur, që zgjati 1 orë e 40 minuta. Dyshja Evans-Griekspoor rezervuan një përballje të fortë.

Duel që solli emocione të shumta tek të pranishmit në SHBA. Britaniku Daniel Evans arriti të shpallej kampion i këtij turneu duke mundur jo pa vështirësi holandezin Tallon Grieksppor. Me rezultatin 2-0 (7-5, 6-3).

Seti i parë ishte shumë i ekuilibruar kur gati çdo shërbim ndryshonte kryesimin. Seti i dyti dhe që solli përfundimin e ndeshjes pati sfidë të fortë deri në momentin ku shifrat ishin 3-3 me “game”. Më pas Evans dominoi në pikët që pasoi, duke e mbyllur me fitore setin e dytë dhe turneun.

Lexo edhe:

• Manchester City prezanton mbrojtësin më të shtrenjtë në histori
• Falcao rrezikon burgun, jep dorëheqjen nga Santosi
• Napoli gjen pasuesin e Kim, gati firma me mbrojtësin brazilian
• Atalanta fiton garën me Interin, gati firma me sulmuesin italian

Për tenistin ky ishte trofeu i dytë në karrierë, pasi më parë ka fituar në 2021-n në “River Open”, Melbourne, Australi. Duhet theksuar se eventit në Washington i munguan shumë emra të mëdhenj.

Si Alcaraz, Djokovic, Sinner dhe shumë të tjerë. Kryesisht këto kompeticione shërbejnë si parapërgatitorë për turnet “Grand Slam”.

“ATP Washington” filloi më datë 29 korrik dhe zgjati për 9 ditë, ku të gjithë shikuesit patën mundësi ta ndiqnin live dhe ekskluzivisht vetëm në kanalet e SuperSport.

The post Tenis/ Evans triumfon në “ATP Washington”, fiton trofeun e dytë në karrierë appeared first on SuperSport.