UEFA toleron tifozët turq, dënim me kusht për Besiktasin

1 muaj më parë 9

Besiktasi fitoi 3-1 dhe 0-2 përballë Tiranës, duke siguruar lehtësisht kualifikimin në raundin e tretë të Conference League. Azerët e Neftchi Baku janë kundërshtarët e radhës për skuadrën nga Stambolli.

Ndeshjen e luajtur në “Air Albania” përballë bardhebluve të Orges Shehit, Besiktasi e mbylli me dhjetë lojtarë. Pas daljes me karton të kuq të Arthur Masuaku.

 

Mbrojtësi i majtë nga Republika Demokratike e Kongos, kreu një ndërhyrje të rëndë ndaj brazilianit Kaina. Veprim të cilin anglezi Stuart Attwell nuk e toleroi aspak, duke i treguar të kuqin 29-vjeçarit.

Masuaku u pezullua me dy ndeshje, por dënimi i tij është përgjysmuar. Me anë të një komunikate zyrtare, klubi i Besiktasit bën të ditur edhe gjobën e pësuar për shkak të sjelljes së gabuar të tifozëve turq.

Lexo edhe:

Pezullimi për futbollistin tonë Arthur Masuaku, i cili mori një karton të kuq në ndeshjen ndaj Tiranës, u reduktua nga dy ndeshje në një. Si pasojë, ai do të jetë i gatshëm për ndeshjen e dytë që skuadra do të luajë kundër Neftchi Baku në turin e tretë kualifikues të Ligës së Konferencës.

Për më tepër, për shkak të ngjarjeve në tribunën e miqve gjatë ndeshjes ndaj Tiranës, klubi ynë u gjobit me 40 mijë euro. Dhe nuk lejohet që tifozët të udhëtojnë në transfertën e radhës.

Por ky penalitet i fundit u pezullua dhe do të hyjë në zbatim nëse shkeljet do të përsëriten sërish”, lexohet në postimin e klubit turk.

The post UEFA toleron tifozët turq, dënim me kusht për Besiktasin appeared first on SuperSport.

Lexo artikullin e plotë