1 muaj më parë
7
Milani dhe Monza u përballën mes tyre në një miqësore të veçantë në nder të Silvio Berlusconit, ish-presidentit të dy klubeve.
I cili dërgoi kuqezinjtë në majën e botës dhe ngjiti Monzën për herë të parë në histori në Serie A. Berlusconi ndërroi jetë më 12 qershor në moshën 86-vjeçare.
Në stadiumin “Brianteo” të Monzës, u zhvillua edicioni i parë i trofeut Berlusconi, që u fitua nga Milani. Koha e rregullt përfundoi në barazim 1-1.
Lexo edhe:
- Interi “blindon” Inzaghin, ylli i dytë në fanellë, detyrim
- Kishte folur kundër nënshkrimit me Messin, Inter Miami i tregon derën portierin
- E rëndë në Greqi, vritet tifozi i AEK-ut para ndeshjes së Championsit
- West Ham “I fiksuar” me Brojën, “çekanët” tjetër lëvizje për sulmuesin
Christian Pulisic kaloi skuadrën e Piolit në avantazh pas gjysmë ore lojë. Aksion i bukur i amerikanit dhe penallti për Milanin.
Pulisic e mori përsipër ekzekutimin, Di Gregorio grushtoi goditjen e parë, por nuk kishte çfarë të bënte në tentativën e dytë të 24-vjeçarit.
Avantazhi i “Djallit” zgjati vetëm tri minuta, pasi Andrea Colpani riktheu baraspeshën me golin e tij. Në fund penalltitë.
Lojtarët e Milanit u treguan më të saktë dhe fituan trofeun e ish-presidentit të tyre legjendar në një mbrëmje emocionuese për dy tifozeritë.
The post VIDEO/ Milani fiton trofeun Berlusconi, mposht Monzën me penallti appeared first on SuperSport.
